اسلام آباد ۔ 20 ستمبر (اے پی پی) ٹریڈ ڈویلپمنٹ اتھارٹی آف پاکستان (ٹی ڈی اے پی) جاری سال دنیا دے مختلف ملکاں وچ 146 تجارتی نمائشاں وچ شرکت کریسی۔ جڈانجوعالمی تجارتی نمائشاں وچ شرکت سانگے تریمتاں دے کاروباری اداریاں کوں ترجیح ڈتی ویسی ۔ 100 توں ودھ پاکستانی تجارتی وفود پہلے توں ای دنیا دے مختلف ملکاں دادورہ کرچکے ہن ۔ ٹی ڈی اے پی دے چیئرمین ایس ایم منیر آکھیاہے جو دنیا دے مختلف ملکاں وچ منعقد تھیونڑ آلے تجارتی میلیاں وچ شرکت نال پاکستانی مصنوعات دی عالمی خریداراں دے سامنڑے نمائش نال ملکی برآمدات دے فروغ سانگے جامع حکمت عملی دے تحت اقدامات کیتے ویندے پن اتے تجارت داترقیاتی ادارہ صنعتکار ‘ کاروباری اتے برآمدکرنڑ آلی برادری دی سہولت سانگے انہاں دی معاونت کریندا پئے۔
