اسلام آباد ۔5 ستمبر(اے پی پی) وزیراعظم دے مشیر برائے خارجہ امور سرتاج عزیزآکھیا جو پاکستان اتے افغانستان وچال سرحدی علاقیاں اچ آر پار وسنڑ آلے رشتہ داراں کوں ملاقات سانگے آونڑ ونجنڑ تے بائیو میٹرک سسٹم دے تحت شناخت ضروری ہوسی،سرحد تے بئے انٹری پوائنٹس کھولیے ویسن،اگر اساں افغانستان نال بارڈر منیجمنٹ نہ کیتی تاں آپریشن ضرب عضب اتے نیشنل ایکشن پلان بے سود رہ ویسن۔او سوموار کوں قومی اسمبلی اچ ساجدہ احمد دے سوال دے جواب اچ انہاں ڈسایا جو پاکستان دی افغانستان نال 2600کلومیٹر لمبی سرحد اے جیڑھی جو غیر محفوظ اے،40توں 50ہزار لوک روز ہک پاسوں توں ڈوجھے پاسے ویندن ۔انہا ں دی زیادہ تر نقل و حرکت بے قاعدہ اے۔
