اسلام آباد ۔30ستمبر (اے پی پی)دفتر خارجہ دے ترجمان نفیس ذکریا آکھیا جو پاکستان دی خارجہ اتے کشمیر پالیسی تسلسل نال چلدی پئی اے،پاکستان مسئلہ کشمیر دا اقوام متحدہ دی قرارداداں دی روشنی اچ حل چاہندے،بھارت الزامات اتے پروپیگنڈے دا سہارا گھندا پئے۔او جمعہ کوں کستان انسٹیویٹ فار پارلیمنٹری سروسزاچ ینگ پارلیمنٹرین فورم ‘چینن ڈویلمنٹ ایسوسی ایشن (سی ڈی اے )’وزارت اطلاعات و نشریات ‘سسٹین ابیل سوشل ڈویلمنٹ (ایس ایس ڈی او) اتے اے پی پی دے سانجھ نال ستویں نیشنل یوتھ پیس فیسٹیول 2016دے تریجھے ڈینھ دی پہلی نشست نال خطاب کریندے پئے ہن ۔مسلم کانفرنس دے سربراہ ‘سابق وزیراعظم سردار عتیق احمد خان ‘برطانوی ہائوس آف لارڈ دے رکن نذیر احمد ‘ایم ایل اے چوہدری سعید پینل اچ موجود ہن ۔کانفرنس اچ پورے ملک اچوں بشمول آزاد کشمیر،گلگت بلتستان ،فاٹا اتے شمالی علاقہ جات دی مختلف یونیورسٹیاں دے 500توں ودھ طلباء تے طالبات موجود ہن ۔ترجمان دفتر خارجہ آکھیا جو کشمیر بارے پاکستان آپنڑے ڈو توک موقف اتے پالیسی تے قائم اے،کشمیریاں کوں اقوام متحدہ دے عین مطابق حق خودارادیت ملنڑاں چاہیدا اے۔
