راولپنڈی ۔ 29 ستمبر (اے پی پی) بھارت ولوں کئی وی سرجیکل اسٹرائیک کائنی تھئی جڈانجو بھارت ولوں سرحد پار توں فائرنگ شروع کیتی گئی، پاکستانی افواج حسب معمول بھارتی فائرنگ دا منہ بھن جواب ڈتے ۔ آئی ایس پی آر ولوں خمیس کوں جاری تھیونڑآلے بیان دے مطابق مبینہ دہشت گرداں دے ٹکانڑیاں نال جڑیئے ہوئے سرجیکل اسٹرائیک دا تصور ہک کوڑ ہے جیہڑا جو بھارت ولوں غلط تاثر قائم کرنڑ کیتے جانڑ بجھ تے پیدا کیتا ویندا پئے ۔ بیان اچ آکھیا گئے جو بھارتی اسٹیبلشمنٹ دی سرحد دے پار فائرنگ کوں سرجیکل اسٹرائیک دا ناں ڈے تے میڈیا اچ سنسنی پیدا کرنڑ دی اے کوشش کوڑی ہے ۔ پاکستان واضح کیتے جو جیکر پاکستان دی سرزمین تے کئی سرجیکل اسٹرائیک تھئی تاں ایندا منہ بھن جواب ڈتا ویسی ۔
