پاکستان روہنگیا مسلماناںدے حوالے نال کردار ادا کریندا پئے ،او آئی سی یورپ اچ اسلامو فوبیا دے رجحان تے چنگی نظر رکھی پئی ہے وزیراعظم دے مشیر خارجہ امور سرتاج عزیز دا قومی اسمبلی اچ جواب

اسلام آباد ۔ 28 ستمبر (اے پی پی) وزیراعظم دے مشیر خارجہ امور سرتاج عزیز آکھیا جو یورپ اچ سجے ہتھ دی عوامی تحریک اتے اسلام فوبیا دا ہک مخصوص رحجان ابھریا ہے ، او آئی سی انہاں رحجانات تے کڑی نظررکھی پئی ہے ۔روہنگیا دے حوالے نال او آئی سی اپنڑاں نمائندہ بھیجا ہا جیں دی رپورٹ وختی مل ویسی ۔پاکستان روہنگیا دے مسلماناں دے حوالے نال اپنڑاں چنگاں کردار ادا کریندا پیا ہے ۔اتھاں ہنڑ جمہوری حکومت آونڑ دی چنگی توقع ہے ۔بدھ کوں قومی اسمبلی اچ سوالاں دے وقفے دے دوران منزہ حسن دے سوال دے جواب اچ مشیر خارجہ ڈسیا جو اسلامی فوبیا بہوں ودھ گیا ہے ،جیویں جیویں دہشت گردی دے واقعات تھیندے ہن الزام تراشی شروع تھی ویندی ہے ۔کجھ ملکاں اچ مسلماناں دے نال امتیازی سلوک تھیندا پیا ہے ۔اے پوری دنیا دا اسلامی معاملہ ہے ۔او آئی سی گزریل اجلاس اچ ہک پورا سیشن تھیا جو مذہب دے ناں تے کہیں وی کمیونٹی کوں ہراساں نہ کیتا ونجے ۔عذرا افضل دے سوال دے جواب اچ انہاں ڈسیا جو میانمر تے روہنگیا دے مسلماناں سانگے اساں او آئی سی اچ آواز چاتی ہے ،او آئی سی ہک خصوصی نمائندہ بنڑا ڈتا ہے او دورہ وی کیتا ہے وختی رپورٹ سامنڑے آویسی پاکستان روہنگیا دے حوالے نال اپنڑاں چنگاں کردار ادا کریندا پیا ہے ۔ شکیلہ لقمان دے سوال دے جواب اچ سرتاج عزیز ڈسایا جو ایں ویلھے 242 افغانستان، 42 بنگلہ دیش، 231 بھارت، 9 مالدیپ، 28 نیپال اتے 82 پاکستانی سری لنکا اچ قید ہن۔ اساڈے سفارت خانے اچ ویلفیئر افیسرجتھاں ضرورت ہووے انہاں دی مدد کریندے ہن۔ سزا پوری کرنڑ آلیں کوں دستاویزات ڈے تے وطن واپس بھیج ڈیندے ہن ۔ بھارت اچ گرفتار پاکستانیاںتے غیر قانونی بارڈر پار کرنڑ اتے ودھ قیام دے الزام ہن۔ افغانستان اچ نیٹو دے زیر حراست بگرام اچ قیدی ایندے اچ شامل کائنی اے عمومی نوعیت دے ہوسن۔ ایندے اچ چوری، آپس دے جھیڑے اتے ودھ قیام دے کیس ہن۔