پاکستان ریلوے وڈے شہراںاچ ملازماں دیاں رہائشی سہولتاں کوں یقینی بنڑاونڑ سانگے ودھ منزلاں دیاں عمارتاں بنڑیسی

اسلام آباد ۔ 08 ستمبر (اے پی پی) پاکستان ریلوے وڈے شہراں اچ اپنڑے ملازماں دیاںرہائش دیاںسہولتاں کوں یقینی بنڑاونڑ سانگے ودھ ساریاں منزلاں آلیاں عمارتاں بنڑیسی ۔خمیس کوں وزارت ریلوے دے ذرائع اے پی پی کوں ڈسایا جو ایں حوالے نال ٹینڈر اخباراں اچ چھپ تے ہن اتے وزارت ریلوے دی ویب سائٹ تے لا ڈتے گے ہن ۔انہاں ڈسایا جو ملازماں سانگے رہائش دیاں عمارتاں ،لاہور ،کراچی اتے نارووال اچ بنڑایاں ویسن ۔ایں توں پہلے ریلوے سٹاف سانگے مختلف شہراں اچ رہائشی بلاک بنڑائے گے ہن ۔انہاں ڈسایا جو انہاں عمارتاں دی تعمیر نال ریلوے دے ملازماں کوں رہائش دیاں سہولتاں پوریاں تھی ویسن ۔