اسلام آباد ۔8 ستمبر(اے پی پی) وفاقی وزیر قومی غذائی تحفظ تے تحقیق سکندر حیات بوسن آکھیا ہے جو پاکستان ساریاں اہم غذائی اجناس وچ خودکفیل ہے’ گزریل پنج سالاں دے دوران کنڑک دی ودھ پیداوار تھئی ہے۔ خمیس کوں قومی اسمبلی دے اجلاس وچ وقفہ سوالات دے دوران منزہ حسن دے سوال دے جواب وچ وفاقی وزیر ڈسایا جو کاشتکاراں دی تربیت تھئی ہے اتے انہاں کوں تربیت ڈیونڑ دے چنگے نتائج سامنڑے نی آئے ۔انہاں آکھیا جو اساں ایجھے کرم کش دوائیاں جیرھیاں مضر صحت ہوندیاں ہن’ دے استعمال تے پابندی لا ڈتی ہے۔ ترائے سال توں کوئی ایجھیاں شئیں باہر نی گئیاں جنہاں تے پابندی ہوئے ۔
