اسلام آباد ۔ 09 ستمبر (اے پی پی) وفاقی وزیر خزانہ سینیٹر اسحاق ڈار آکھے جو پاکستان معاشی استحکام دے حصول دے بعد اقتصادی نموآلے پاسے ودھدا پئے ۔ ایں بارے مالی شمولیت دے نال نال ٹیکنالوجی دے استعمال کو ںعام کرنڑاں معاون تے مددگار ثابت تھیسی ۔ او جمعے کوں اتھاں براڈ بینڈ سروسز دی بلوچستان دے دور دراز علاقیاں اچ فراہمی دے حوالے نال معاہدیاں تے دستخط کرنڑ دی تقریب اچ الیندے پئے ہن ۔ وزیر مملکت انفارمیشن ٹیکنالوجی انوشہ رحمان وی ایں موقعے تے موجود ہن ۔ تقریب اچ یو ایس ایف، این ٹی سی اتے یو فون وچال معاہدیاں تے دستخط کیتے گئے ۔ انہاں معاہدیاں دے تحت بلوچستان دے چاغی اتے خضدار سمیت دور پریں دے علاقیاں اچ براڈ بینڈ سروسز فراہم کیتی ویسن۔ جیندے نتیجے اچ انہاں علاقیاں دے لوکیں کوں تھری جی اتے فور جی سمیت انٹرنیٹ دی جدید سہولیات میسر آمسن۔ وزیر خزانہ معاہدے اچ شامل فریقین کو ںمبارخ ڈیندے ہوئیں آکھیا جو اساڈی حکومت دا طریقہ کار بہوں واضح ہے اتے لوکیں دی مالیاتی خدمات دے نال نال ٹیکنالوجی سروسز تئیں وی رسائی ودھاونڑاں چاہندے ہئیں۔ وزیر خزانہ آکھیا جو نجی شعبے کوں شامل کیتے بغیر ترقی دے اہداف دا حصول ممکن کائنی ۔ ملک دا روشن مستقبل ہے اتے ایندے کیتے اساکوں اتحاد دی لوڑ ہے ۔
