اسلام آباد ۔ 30 ستمبر (اے پی پی) وزیراعظم دے مشیر برائے خارجہ امور سرتاج عزیزآکھیا جو پاکستان کشمیر کاز دی حمایت توں پچھوں کائنا ہٹسی،اساڈی بہادر مسلح فوج مادر وطن دے دفاع سانگے پوری تیار اے۔جمعہ کوں وفاقی کابینہ دے اجلاس اچ شریک تھیونڑ توں پہلے گالھ مہاڑ کریندیں ہوئیں انہاں آکھیا جو کشمیریاں کوں حمایت ڈیونڑ اساڈی پہلی ترجیح اے اتے اساں اخلاقی،سیاسی اتے سفارتی سطح تے حمایت جاری رکھیسوں۔سرتاج عزیز ڈو ٹوک طور آکھیا جو پاکستان تنازعہ دے حل تئیں مقبوضہ کشمیر اچ انسانی حقوق دی سنگین خلاف ورزیاں تے احتجاج کریندا رہسی۔
