اسلام آباد ۔ 26 ستمبر (اے پی پی) پاک چین اقتصادی راہداری منصوبے دے تحت 14 ارب ڈالر دی لاگت نال 30 منصوبیاں تے کم تیزی نال جاری ہے ۔ اے منصوبے چین دے صدر شی جن پنگ دی سوچ کوں ظاہر کریندے ۔ پاکستان اچ چینی سفارتخانے دے ڈپٹی چیف آف مشن برولی جین ڈسایا جو سی پیک منصوبے دے تحت شروع کیتے ونجنڑآلے 30منصوبیاں اچوں 16 منصوبے پورے تھیونڑ دے مرحلے اچ ہن ۔ اے سارے منصوبے 2018ء اچ جڈانجو پن بجلی منصوبے 2020ء اچ پورے تھیسن۔ منصوبیاں بارے حکام اے پی پی کوں ڈسایا جو 2017ء اچ توانائی دے کجھ منصوبے پورے تھی ویسن جنہاں اچ ساہیوال اچ کولے دا بجلی منصوبہ وی شامل ہے ، ایں منصوبے تے 70 فیصد کم پور ا تھی گئے جیندے نال آندے سال جون اچ بجلی دی باقاعدہ پیداوار شروع تھی ویسی ۔ انہاں ڈسایا جو چینی صدر ولوںاعلان کیتے گئے سلک روڈ فنڈز دے تحت کروٹ ہائیڈرو پاور پراجیکٹ تے وی کم جاری ہے۔ انہاں توانائی دے مختلف منصوبیاں تے جاری کم دی رفتار، ٹرانسپورٹ، ڈھانچے، سڑکاں دی تعمیر تے اطمینان دا اظہار کیتا۔ انہاں ڈسایا جو کراچی لہور موٹروے دے سکھر۔ملتان حصے اُتے چین دی ساریاں توں وڈی تعمیراتی کمپنی کم کریندی پئی ہے ۔ ایں منصوبے دے تحت مقامی سطح تے 10 ہزار نوکریاں دے موقعے پیدا تھیسن۔
