پرانڑے ڈیزائن دے سارے بینک نوٹاں دی قانونی حیثیت مُکاونڑ دا فیصلہ

کراچی ۔ 6 ستمبر (اے پی پی) پرانڑے ڈیزائن دے سارے بینک نوٹاں دی قانونی حیثیت پہلی دسمبر کوں مُک ویسی۔وفاقی حکومت ولوں 4جون2015ء دے جاری تھیونڑ آلے گزٹ نوٹیفکیشن دے مطابق یکم دسمبر 2016ء توں پرانڑے ڈیزائن دے کرنسی نوٹ دی قانونی حیثیت مُک ویسی۔ایں سانگے ہنڑ اے فیصلہ کیتا گئے جو سارے باقی رہہ رنجنڑ آلے 10، 50، 100 اتے 1000 روپے دے پرانڑے ڈیزائن دے بینک نوٹاں کوں مرحلہ وار ختم کر ڈتا ویسی۔پنج روپے دے نوٹ اتے 500پرانڑے ڈیزائن دے نوٹ دی قانونی حیثیت پہلے ای مُک گئی اے۔