پنجاب وچ پھٹی دے زیرکاشت رقبے وچ16فیصد دی گھٹکی پاروں جاری سال کپاہ دی ملکی درآمدات1.3 ارب ڈالر تئیں ودھارا ممکن

اسلام آباد ۔02 ستمبر (اے پی پی) پنجاب وچ پھٹی دے زیرکاشت رقبے وچ16فیصد دی گھٹکی پاروں جاری سال کپاہ دی ملکی درآمدات1.3 ارب ڈالر تئیں ودھ سگدیاں ہن۔ آل پاکستان ٹیکسٹائل ملز ایسوسی ایشن( اپٹما) دی کاٹن کمیٹی دے سربراہ سیٹھ اکبر آکھیا ے جو سپننگ انڈسٹری کپاہ دی ہر ہک گٹھ دے استعمال تے50 روپے دی پھٹی دی سیس ادا کریندی ہے اتے ہر سال صنعت ولوں تقریباً700 ملین روپے دی ادائیگی کیتی ویندی ہے ایں رقم کوں تحقیقی مقاصد دی بجائے انتظامی امور تے اخراجات کوں پورا کرنڑ سانگے خرچ کرڈتا ویندا ہے جیندے نال ملک وچ پھٹی دی پیداوار دے فروغ دا عمل متاثر تھیندا پئے۔انہاں آکھیاجوپھٹی دی ملکی پیداواردے فروغ اتے درآمدات وچ گھٹکی سانگے جامع حکمت عملی دے تحت اقدامات دی ضرورت ہے تاں جو درآمدات دی گھٹکی نال قیمتی زرمبادلہ دی بچت اتے ملکی صنعت دی ترقی وچ مددحاصل کیتی ونج جاسگے۔ انہاں آکھیا جو پھٹی دے زیر کاشت رقبے وچ گھٹکی وچ جاری سال کپاہ دیاںدرآمدات ہک ارب30کروڑ ڈالر تئیں ودھنڑ دا امکان ہے۔