اسلام آباد ۔ 06 ستمبر(اے پی پی)پورے ملک اچ پاک فضائیہ دیاں ساریاں بیساں تے دفاع داڈینھ شاندار طریقے نال منایا گیا ۔1965اچ پی اے ایف اپنڑے توں ترائے گنا وڈی بھاتی فضائیہ کوں عبرت ناک شکست ڈتی ہئی ۔پاک فضائیہ دفاع دے ڈینھ دے موقع تے چیلنج دا چنگی طاقت نال مقابلہ کرنڑ دے عزم دا اظہار کیتا ۔پی اے ایف دیاں ساریاں بیساں تے منگل کوں شہیداں سانگے قرآن خوانی اتے دعا نال ڈینھ دا آغاز تھیا ۔کراچی قائداعظم دے مزار تے خصوصی تقریب اچ گارڈ دی تبدیلی تھی جتھاں پی اے ایف اکیڈمی رسالپور دے ایوی ایشن بابائے قوم کوں خراج تحسین پیش کرنڑ سانگے گارڈز دے فرائض سانبھ گھدے ۔ایں موقع تے فضائیہ دے سربراہ ائیر چیف مارشل سہیل امان دا سنھیا پڑھ تے سنڑایا گیا ۔ائیر چیف اپنڑے سنھیے اچ آکھیا جو اساں ہک بہادر قوم ہوں جیں مشکل دے ہر ویلھے اچ ثابت قدمی ڈکھائی تے قدرتی سانحے ہوون یا اساں مسلط کیتی گی 1965دی جنگ اساں انہاں ساریں دا ڈٹ تے مقابلہ کیتا ۔
