لاہور۔8 ستمبر(اے پی پی )صوبائی وزیر امداد باہمی تے چیئر مین چولستان ڈویلپمنٹ اتھارٹی ملک محمد اقبال چنڑ آکھیا ہے جو چولستانیاں کوں وی ترقی دے دائرے اچ رلاونڑ دے برابر دے موقع ڈتے ویسن اتے انہاں دے حقوق دے تحفظ کوں ہر صورت یقینی بنڑایا ویسی ۔چولستان دے لوکاں دے بنڑائے گے فن پاریں اتے پارچہ جات کوں ود ھ پیمانے تے متعارف کراونڑ سانگے پورے ملک اچ ڈسپلے سنٹر ز قائم کیتے ویسن اتے انہاں دیاں بنڑایا ں گیاں چیزاں کوں بئے ملکاں اچ وی متعارف کرایا ویسی ۔اے گالھ انہاں چولستان توں آئے وفد نال ملاقات اچ آکھی ۔ایں موقع تے پاکستان مسلم لیگ ن دے ڈویژنل ،ضلعی اتے ڈو مقامی یونٹس دے صدر تے سربراہ وی موجود ہن ملک محمد اقبال چنڑ آکھیا جو جنوبی پنجاب خصوصاً بہاول پور دے عوام دیاں امنگاں دے مطابق ترقی دے منصوبے پورے کیتے ویسن ۔انہاں آکھیا جو چولستان دے لوکاں دیاںبنڑایاں گیاں چادراں ،کپڑے اتے بئے سامان کوں پورے ملک اچ ودھ پسند کیتا ویندا ہے ۔صوبائی وزیر ، وزیر اعظم محمد نواز شریف اتے وزیرا علیٰ پنجاب محمد شہباز شریف داشکریہ اداکیتا جنہاں اعتماد کریندے ہوئیں انہاں کوں ہک اہم ذمے واری ڈتی ۔انہاںآکھیا جو ہمیشہ بہاولپور دی عوام دی خذمت کوں اپنڑاں شعار بنڑایا ہے اتے بنڑیندے رہسوں ،صوبائی وزیر آکھیا جو بہاولپور اچ ریکارڈ ترقی دے کماں دا آغاز تھی گیا ہے اتے عوام کوں صحت دیاں سپیشل سہولتاں دی فراہمی سانگے 410بستراں تے مشتمل سول ہسپتال اپنڑیاں خذمتاں کامیابی نال پوریاں کریندا پیاہے ۔
