اسلام آباد ۔ 25 ستمبر (اے پی پی) چیف کمشنر افغان مہاجرین ڈاکٹر عمران زیب آکھے جو حکومت پاکستان دیاں کوششاں نال افغانستان دی حکومت وطن واپس ونجنڑآلے افغان مہاجراں کوں کابل اتے جلال آباد اچ مکان بنڑاونڑ سانگے مفت پلاٹ ڈیندی پئی ہے ۔ جڈانجو پاکستان دیاں کوششاں نال افغان مہاجراں دی وطن واپسی دے موقعے اُتے ڈتی ونجنڑآلی امدادی رقم اچ یو این ایچ سی آر دے چیف کمشنر 50 فیصد ودھارا کتیے ، ہنڑ انہاں مہاجراں کوں 400 امریکی ڈالر ڈتے ویندے پئے ہن ۔ ”اے پی پی”نال خصوصی گالھ مہاڑکریندے ہوئیں انہاںا کھیا جو پاکستان گزریل 40 سال توں افغان مہاجراں دی میزبانی کریندا پئے جڈانجو مہاجراں کوں وطن واپسی تے نہ صرف پاکستان اچ مدد جڈانجو افغانستان دی حکومت نال گالھ مہاڑکر تے سہولتاں ڈتیاں ویندیاں پن۔ انہاں آکھیا جو حکومت پاکستان افغانستان دے صدر اشرف غنی نال مہاجراں دے مسلیاں بارے گالھ کیتی ہے اتے افغان حکومت پاکستان دی تجویز تے افغان مہاجراں کوں وطن واپسی تے مفت پلاٹ ڈیونڑ دا اعلان اتے وعدہ کیتے جیندے مطابق 20 ہزار پلاٹ کابل جڈانجو 10 ہزار پلاٹ جلال آباد اتے ڈوجھے صوبیاں اچ وی ایں طرح مرحلہ وار پلاٹ ڈتے ویسن۔ انہاں پاکستان اچوں افغان مہاجراں کوں جبری کڈہنڑ دے الزام کوں یکسر مسترد کریندے ہوئیں آکھیا جو پاکستان ہک باوقار ذمہ دار ملک ہے، ایں طرح دے تاثرات ڈیونڑآلے پاکستان دے دوست کائنی ۔انہاں آکھیا جو ملک اچ غیر رجسٹرڈ افغان مہاجراں دی وطن واپسی دی تریخ 15 نومبر جڈانجو رجسٹرڈ افغان مہاجراں دے قیام دی مدت اچ 31 مارچ 2017ء تئیں توسیع کرڈتی گئی ہے ۔
