دبئی ۔ 22 ستمبر (اے پی پی) پاکستان کرکٹ ٹیم دے سابق کپتان اتے مایہ ناز آل رائونڈر شعیب ملک آکھیا ہے جو ویسٹ انڈیز کوں پہلے ٹی ٹونٹی میچ وچ ہرا تے فاتحانہ انداز وچ سیریز شروع کریسوں، انہاں آکھیا جو کالی آندھی کو ںہراونڑ سانگے کھلاڑیاں کوں کھیڈ دے سارے شعبیاں وچ چنگی کارکردگی دا مظاہرہ کرنڑ پوسی۔ پاکستان اتے ویسٹ انڈیز دیاں کرکٹ ٹیماں وچال ترائے ٹی ٹونٹی میچاں تے مشتمل سیریز دا پہلا میچ (اج) جمعہ کوں انٹرنیشل کرکٹ سٹیڈیم دبئی وچ کھیڈیا ویسی۔ مایہ ناز آل رائونڈر شعیب ملک دا آکھنڑ ہا جو عالمی چیمیپئن ویسٹ انڈین ٹیم کوں سیریز وچ ہراونڑ کہیں چیلنج توں گھٹ کائنی تاں جو اساںپوری تیاری دے نال میدان وچ ویسوں۔ انہاں آکھیا جو سیریز وچ کامیابی سانگے سرتروڑ کوشش کریسوں۔ شعیب ملک دا آکھنڑ ہا جو اساںسخت حریف دے خلاف کامیابی حاصل کرنڑ سانگے مربوط حکمت عملی دے نال گرونڈ وچ ویسوں۔ انہاں آکھیا جو اساڈی ٹیم متوازن ہے تاں جو جیت سانگے کھیڈ دے سارے شعبیاں وچ غیر معمولی کارکردگی دا مظاہرہ کرنڑ پوسی۔
