واشنگٹن۔ 08 ستمبر (اے پی پی) ڈیموکریٹس دی صدارتی امیدوار ہیلری کلنٹن اپنڑے حریف ڈونلڈ ٹرمپ دا مقابلہ کرنڑ سانگے 1 سو ملین ڈالر چندہ جمع کرنڑ چاہندی ہن۔امریکی ذرائع ابلاغ دے مطابق ہیلری کلنٹن دی انتخابی سرگرمیاں دے بجٹ وچ ودھارا بدستور جاری ہے۔ انہاں اپنڑے ڈونرز نال مطالبہ کیتا ہا جوانتخابات سانگے باقی رہنڑ آلے 62 ڈینھاں دے اندر 1 سو ملین ڈالر جمع کریب۔اگست دے مہینے وچ کلنٹن اتے ڈو بئیں کمیٹیاں 140 ملین ڈالر جمع کرنڑ دا علان کیتا ہا ، ایندے کجھ ڈینھاں بعد بروکلین دی ٹیم اپنڑی اقتصادی کونسل دے ارکاناں کوں آکھیا جو بئی مد وچ پیسے کٹھے کرنڑ اتے آن لائن مالی حمایت دے علاوہ ودھ ہک سو ملین ڈالر دی امداد دی ضرورت پوسی تاں جو ری پبلیکن امیدوار ڈونالڈ ٹرمپ کو ں ہرایا ونج جا سگے۔کلنٹن دی انتخاباتی مہم دے ذمہ دار رابی موک ایں سلسلے وچ دعوی کیتا ہے جو ڈونلڈ ٹرمپ دی میڈیا کوریج کلنٹن سانگے سبھ توں وڈا چیلنج ہے۔ ہیلری کلنٹن چاہندی ہن جوانتخابی مہم دے بجٹ سانگے انہاں دیاں سرگرمیاں توں جیرھا وقفہ حاصل تھیا ایندے بعد اوہ دوبارہ اپنڑے دورے اتے تقریرراں شروع کریسن ،ایںسلسلے وچ ا وہ اگلے ہفتے کیلیفورنیا ویسن۔
