اسلام آباد ۔ 27 ستمبر (اے پی پی) وفاقی وزیر اطلاعات، نشریات تے قومی ورثہ سینیٹر پرویز رشید آکھیا جو علماء کرام اتے سارے مکاتب فکر فرقہ وارانہ و بین المذاہب ہم آہنگی اتے دہشت گردی دے خاتمے سانگے کردار نبھاون،فرقہ وارانہ ہم آہنگی اتے قومی یکجہتی دا فروغ ویلھے دی لوڑ ھ اے۔منگل کوں اتھاں مرکزی امام حسین کونسل دے سربراہ ڈاکٹر غضنفر مہدی دی سربراہی اچ وفد نال گالھ مہاڑ کریندیں ہوئیں انہاں آکھیا جو اسلام امن،آشتی اتے پر امن بقائے باہمی دا مذہب اے،بزرگان دین امن،رواداری اتے محبت دا سنھیا پھیلائے اتے انہاں دی کوششاں نال برصغیر دے لوک مشرف بہ اسلام تھیے۔وفد وفاقی وزیر کوں آپنڑے مسئلیاں بارے ڈسایا۔وفد دے ارکان دہشت گردی اتے انتہا پسندی دے خاتمے سانگے آپنڑے پورے تعاون دا یقین ڈوایا۔ وفد اچ صاحبزادہ مجبتیٰ فاروق گل بادشاہ پیر آف موہڑہ شریف، علامہ سیّد اظہار بخاری، ذیلدار سیّد احسن شاہ، علامہ عظمت اﷲ سلطان، صاحبزادہ عمر فاروق، شیخ مظہر علی، علامہ سلیم حیدری، صاحبزادہ سیّد محمود احمد، سیّد مطیع الحسنین شیرازی، طارق منظور طارق، پاسٹر پرویز یعقوب، پنڈت چنا لعل، علامہ زاہد عباس کاظمی اتے احسن لودھی شامل ہن۔
