بری فوج دے سربراہ جنرل راحیل شریف نال برطانوی چیف آف جنرل سٹاف دی ملاقات ، آپسی دلچسپی دے معاملیاں تے گالھ مہاڑ کیتی گئی

راولپنڈی ۔ 19 اکتوبر (اے پی پی) بری فوج دے سربراہ جنرل راحیل شریف نال برطانوی چیف آف جنرل سٹاف جنرل نکولس پیٹرک کارٹر ملاقات کیتی جئیں اچ ، آپسی دلچسپی دے معاملیاں تے گالھ مہاڑ کیتی گئی۔آئی ایس پی آر دے مطابق بدھ کوں برطانوی آرمی چیف آف جنرل سٹاف جی ایچ کیو راولپنڈی پجیے تاں پاک فوج دے چاق و چابند دستے انہاں کوں سلامی ڈتی۔جنرل نکولس پیٹرک کارٹر جی ایچ کیو اچ شہیداں دی یادگار تے حاضری ڈتی اتے پھلاں دی چادر چڑھائی۔آرمی چیف جنرل راحیل شریف نال تھیونڑ آلی ملاقات اچ آپسی دلچسپی دے معاملیاں تے گالھ مہاڑ کیتی گئی۔مہمان شخصیت دہشت گردی دے خلاف پاکستان دی کامیابیاں اتے قربانیاں کوں سراہیا جئیں نال خطہ اچ سلامتی اتے استحکام آیا۔