دوحہ ۔ 23 اکتوبر (اے پی پی) صدر مملکت ممنون حسین اندرلے اتے باہرملک ملک پاکستانی نینگراں تے زور ڈتا جو او خود کوں جدید ٹیکنالوجیز اتے جدید تعلیم نال آراستہ کرن،ٹیکنالوجی دا مثبت استعمال انفرادی اتے اجتماعی طور تے ترقی اچ معاون ثابت تھی سگدے۔قطر اچ پاکستانی سفارتخانے ولوں پاکستان ایجوکیشن سینیٹر اچ طلبہ نال خطاب کریندیں ہوئیں انہاں آکھیا جو انٹرنیٹ دی ایجاد دنیا کوں بدل ڈتے جڈانوج صدر مملکت ایں ٹیکنالوجی دے منفی استعمال بارے خبر دار کیتا اتے آکھیا جو میں مشورہ ڈینداںجو آپ انسانیت دی فلاح و بہبود سانگے انہاں ٹیکنالوجیز بارے علم حاصل کرو۔ صدر مملکت جیڑھے جو امیر قطر شیخ تمیم بن حماد بن خلیہ الثانی دی دعوت تے قطر دے چار ڈینھ دے سرکاری دورے تے دوہا اچ ہن آکھیا جو پاکستان ایجوکیشن سنٹر اچ انہاں دے آونڑ دا مقصد طلباء نال ملنڑ اتے اے معلوم کرنڑ اے جو او آپنڑے ملک اتے دنیا بارے کیا سوچیندن ۔
