اسلام آباد ۔ 6 اکتوبر (اے پی پی) پاکستان خبر دار کیتے جو اگر عالمی برادری مقبوضہ کشمیر اچ بھارتی مظالم کوں نہ روکیا تاں انسانی المیہ تھی سگدے۔دنیا کوں عالمی برادری بھارتی فورسز دے انسانیت دے خلاف جرائم اتے نسل کشی دا نوٹس گھنے۔خمیس کوں ہفتہ وار پریس بریفنگ اچ صحافیاں دے مختلف سوالاں دے جواب ڈیندیں ہوئیں دفتر خارجہ دے ترجمان محمد نفیس ذکریا آکھیا جو بھارت دی دھمکی آمیز بیاناں دا غور نال جائزہ گھدے پیسے،قومی مفادات دے تحفظ سانگے موثر کاروائی کریسوں،مقبوضہ کشمیر اچ دوائیں،خوراک،پانڑی اتے بئی زندگی دی لوڑھ دی چیزاں نا پید تھی گئی ،کہیں ویلھے وی بہوں وڈا انسانی المیہ تھی سگدے،عالمی برادری بھارتی فورسز دے انسانیت دے خلاف جرائم اتے نسل کشی دا نوٹس گھنے۔انہاں آکھیا جو ہنڑ تئیں بھارتی فورسز دے مظالم نال 110کشمیری اتے 1500توں ودھ زخمی تھی گئن ۔ترجمان آکھیا جو بھارتی فورسز سید علی گیلانی اتے آسیہ اندرابی سمیت حریت رہنمائواں کوں جیلاں اچ بند رکھیے اتے انہاں نال ناروا سلوک کیتا ویند اپئے ۔بھارت ولوں سندھ طاس معاہدے توں اخراج بارے ہک سوال دا جواب ڈیندیں ہوئیں ترجمان آکھیا جو پاکستان بھارت دی دھمکی آمیز بیانات دا غور نال جائزہ گھند اپئے اتے قومی مفادات دے تحفظ سانگے موثر کاروائی کریسی۔گالھ مہاڑ وچال چار فریقی رابطہ گروپ دے کردار سمیت افغانستان اچ امن تے استحکام بارے معاملیاں تے گالھ مہاڑ کیتی گئی ۔
