آپریشن ”ضرب عضب“نال متاثر بے گھر لوکاں دی واپسی31دسمبر تئیں مکمل تھی ویسی، وزارت سیفران

اسلام آباد ۔ 21 اکتوبر (اے پی پی) آپریشن ”ضرب عضب“ نال متاثر تھیونڑ آلے بے گھر لوکاں دی واپسی دا عمل جاری سال31دسمبر تئیں پورا تھی ویسی۔ وزارت سیفران دے مطابق آپریشن”ضرب عضب“ نال متاثر تھیونڑ آلے بے گھر لوکاں دی مرحلہ وار واپسی دا سلسلہ جاری ہے۔ سیکیورٹی فورسزو لوں کلیئر کیتے گئے علاقیاں وچ بے گھر لوکاں دی واپسی دا سلسلہ جاری ہے۔ واپس ونجنڑ آلے بے گھر لوکاں کوں25 ہزار روپے کیش گرانٹ موبائل سم دے ذریعے ڈتا ویندا پئے جڈانجو10 ہزار روپے کرایے دی مد وچ ڈتے ویندے پن۔حکام دے مطابق آپریشن نال متاثر تھیونڑ آلے بے گھر لوکاں دی واپسی دا عمل جاری سال31 دسمبرتئیں پوراکر گھدا ویسی۔