اسلام آباد ۔ 21 اکتوبر (اے پی پی) اسلام آباد اتے راولپنڈی سمیت ملک دے ودھ سارے علاقیاں وچ موسم گرم اتے خشک ،جڈانجو مالاکنڈ، ہزارہ، کشمیر اتے گلگت بلتستان دے کجھ ہک علاقیاں وچ کھمنڑ دے نال مینھ دا امکان ہے۔محکمہ موسمیات دے مطابق گزریل 24 گھنٹیاں دے دوران اسلام ا ٓباد اتے راولپنڈی سمیت بالائی بنجاب،پشاور، مالاکنڈ، ہزارہ ڈویژن، کشمیر اتے گلگت بلتستان وچ کجھ جئیں تے مینھ وسیا ، ملک دے بئے علاقیاں وچ موسم بدستور گرم اتے خشک رہیا۔سبھ توں ودھ مینھ بالاکوٹ وچ8 ملی میٹر جڈانجو سبھ توں گھٹ درجہ حرارت کلام وچ ہک ڈگری سنٹی گریڈ ریکارڈ کیتا گیا۔ محکمہ موسمیات دے مطابق آوندے 24 گھنٹیاں دے دوران اسلام آباد اتے راولپنڈی سمیت ملک دے ودھ سارے علاقیاں وچ موسم گرم اتے خشک ، جڈانجو مالاکنڈ، ہزارہ، کشمیر اتے گلگت بلتستان دے کجھ ہک علاقیاں وچ کھمنڑ دے نال مینھ وسنڑ دا امکان ہے۔
