اسلام آباد ۔ 27 اکتوبر (اے پی پی) اسلام آباد اچ ائیرپورٹ سکیورٹی فورسز سعودی عرب ونجنڑ آلے بندے توں ڈڈھ کلو ہیروئن تے آئس برآمد کرتے ملزم کوں گرفتار کر گھدا ہے ۔نجی ٹی وی چینل دے مطابق خمیس دی سویل اسلام آبا د بینظیر انٹر نیشنل ائیر پورٹ تے ائیرپورٹ سکیورٹی فورسز اسلام آباد توں روزگار سانگے سعودی عرب ونجنڑ آلے نینگر دی تلاشی دے دوران ڈڈھ کلو نشہ آور مرکب آئس تے ہیروئن بر آمد کرتے ملزم کوں گرفتار کر گھدا ہے ۔رپورٹ دے مطابق ملزم مردان دے رہنڑ آلا ہے اتے ایندے توں تحقیقات سانگے اینٹی نار کوٹکس فورس دے حوالے کر ڈتا گیا ہے ۔
