اسلام آباد ۔ 6 اکتوبر (اے پی پی) مشیر خارجہ سرتاج عزیز آکھیا جو افغانستان اچ پائیدار اقتصادی ترقی سانگے عالمی برادری دی مسلسل تعاون دی لوڑھ اے۔پاکستان افغانستان اچ مستقل امن دے قیام سانگے خواہش منداے جیڑھا جو پاکستان دی ترقی اتے استحکام سانگے وی اہم اے۔خمیس کوں دفتر خارجہ دے ترجمان دے مطابق مشیر خارجہ اے گالھیں برسلز اچ افغانستان بارے کانفرنس دے موقع تے افغانستان دے صدر اشرف غنی اتے چیف ایگزیکٹیو عبداللہ عبداللہ نال ملاقات وچ گالھ مہاڑ کریندیں ہوئیں آکھی۔ترجمان دے مطابق افغان صدر اشرف غنی برسلزکانفرنس اچ افغانستان سانگے بئی50کروڑ ڈالر امداد دے اعلان تے پاکستان دا شکریہ ادا کیتا۔
