اقوام متحدہ جنگ نال متاثرہ علاقیاں وچ تریمتاں دے مفادات دا تحفظ یقینی بناونڑ دے اقدامات کرے،پاکستانی مندوب دا سلامتی کونسل نال خطاب

تریمتاںبدامنی اتے تنازعات وچ امن اتے استحکام دے استعارے دے طورتے سامنڑے آ ندیاں پن، ڈاکٹر ملیحہ لودھی
نیو یارک ۔ 27 اکتوبر (اے پی پی) پاکستان اقوام متحدہ توں جنگ نال متاثرہ علاقیاں وچ تریمتاں دے مفادات دا تحفظ یقینی بناونڑ دے اقدامات کرنڑ دا مطالبہ کیتا ہے ۔ اقوام متحدہ دی سلامتی کونسل نال خطاب کریندے ہوئیں اقوام متحدہ وچ پاکستان دی مستقل مندوب ڈاکٹر ملیحہ لودھی جنگ زدہ علاقیاں وچ تریمتاں دی حالت زار کوں موضوع بنڑیندے ہوئیں آکھیا جو اقوام متحدہ کوں جنگ نال متاثرہ علاقیاں وچ تریمتاں دے مفادات دا تحفظ یقینی بناونڑ اتے ایں کوںفروغ ڈیونڑسانگے سنجیدہ اقدامات کرنڑ چاہیدن۔ انہاں آکھیا جو ایں عمل سانگے تلوں توں اتوںونجڑاں پوسی۔ انہاں آکھیا جو کولمبیا توں یوگنڈا تے برونڈی توں تنزانیہ تریمتاں اتفاق رائے پیدا کرنڑ آلے رہنما دے طور تے ابھر دی پئی ہے ۔ اوہ بدامنی اتے تنازعات وچ امن اتے ستحکام دے استعارے دے طورتے سامنے آ ندیاں پن۔ ڈاکٹر ملیحہ لودھی آکھیا جو علاقیاں دی مربوط ترقی دے اہداف دے حصول وچ تریمتاںاہم کردار ادا کر یندیاں پن جنہاں دا کہیں نہ کہیں طرح تعلق علاقائی امن تے استحکام نال جڑویندا ہے ، ایندے کیتے مربوط ترقی دے عالمی اہداف دے حصول غربت مکاونڑ ، شعبہ صحت اتے تعلیم دی ترقی سانگے تریمتاں کوں بااختیار بنڑاونڑ بہوں ضروری ہے ۔ انہاں نشاندہی کریندے ہوئیں آکھیا جو امن مشن وچ پاکستانی تریمتاں پولیس افسراں ، ڈاکٹرں اتے نرساں دی صورت پوری دنیاوچ اپنڑیاں خدمات سرانجام ڈیندیاں پن۔