اقوام متحدہ ۔ 27 اکتوبر (اے پی پی)اقوام متحدہ دے سیکرٹری جنرل عالمی ادارے دے زیراہتمام فرائض دی ادائیگی دے دوران جاناں قربان کرنڑ آلے 3پاکستانیاں سمیت 210ارکان کوں خراج عقیدت پیش کیتا ہے ۔دنیا دے مختلف ملکاں نال تعلق رکھنڑآلے انہاں بندیاں 01جنوری 2015ءتوں 30جون 2016ءتئیں فرائض دی ادائیگی دے دوران اپنڑیاں جاناں دی قربانی ڈتی۔ ایں سلسلے وچ اقوام متحدہ دے ہیڈکوارٹر وچ تعزیتی تقریب داانعقاد کیتاگیا ۔ بان کی مون تقریب نال خطاب وچ دنیا دے مختلف حصیاں وچ امن تے استحکام سانگے جاناں قربان کرنڑ آلیاں کوں چنگے ہیرو قرار ڈتا۔ انہاں ہیروز وچ ترائے پاکستانیاں دے ناں شبنم خان (یونائیٹڈ نیشنز مشن ان افغانستان ) مہرین عباس (ورلڈ فوڈ پروگرام ) اتے حوالدار عبدالمجید خان (یو این سٹیبلائزیشن مشن ان کانگو) شامل ہن۔تقریب وچ اقوام متحدہ وچ پاکستان دی مستقل مندوب ڈاکٹرملیحہ لودھی اتے جاناںقربان کرنڑ آلے اہلکاراں دے اہل خانہ ، سفارتکاراں اتے بئیاںممتاز شخصیات وی شرکت کیتی۔
