اقوام متحدہ ۔ 21 اکتوبر (اے پی پی) اقوام متحدہ وچ پاکستان دی مستقل مندوب ڈاکٹرملیحہ لودھی عالمی ادارے دے آئندہ سیکرٹری جنرل انٹوینوگوٹریز نال ملاقات کیتی اتے انہاں کوں جنوبی ایشیاءاتے افغانستان دی صورتحال تے تفصیلی بریفنگ ڈتی۔انہاں ایں موقع تے دنیا کو ںدرپیش چیلنجاں اتے مواقعاں بارے وی خیالیں دا تبادلہ کیتا۔ انہاں ایں تے انٹوینوگوٹریز کوں وزیراعظم محمد نواز شریف اتے انہاں دے مشیرخارجہ برائے خارجہ امور سرتاج عزیز ولوں مبارخباد داپیغام وی پجایا۔ ایں موقع تے انٹوینوگوٹریز مہاجراں اتے درپیش چیلنجان دے مقابلے وچ پاکستان ولوں تحمل اتے ثابت قدمی دامظاہرہ کیتے ونجڑ دی تعریف کیتی۔ انہاں ڈسایا جو انہاں اقوام متحدہ دے ہائی کمشنر برائے مہاجراں دی حیثیت نال کئی واری پاکستان دا دورہ کیتا اتے پاکستان ولوں چنگے تعاون دا مشاہدہ کیتا۔ انٹوینو گوٹریز01 جنوری 2017ءکوں اپنڑے عہدے دا چارج سنبھال گھنسن۔
