الیکشن کمیشن چارے صوبیں دے ریجنل الیکشن کمشنرز اتے ڈسٹرکٹ الیکشن کمشنرز دی جی آئی ایس اتے آر ایم ایس ٹریننگ سانگے شیڈول جاری کرڈتا

اسلام آباد ۔ 24 اکتوبر (اے پی پی) الیکشن کمیشن دسمبر تئیں چارے صوبیں دے ریجنل الیکشن کمشنرز اتے ڈسٹرکٹ الیکشن کمشنرز دی جی آئی ایس اتے آر ایم ایس ٹریننگ سانگے شیڈول جاری کرڈتا ہے ۔ کمیشن دے مطابق اسلام آباداچ ماسٹر ٹرینرز دی ڈو ڈینھ دی تربیت دے بعد ست توں اٹھ نومبر کوں ریجنل الیکشن کمشنر اتے ڈسٹرکٹ الیکشن کمشنر سندھ جڈاں جو 10توں 11نومبر تئیں ڈسٹرکٹ الیکشن کمشنر سٹاف سندھ دی ٹریننگ کراچی اچ تھیسی ۔بلوچستان دے ریجنل اتے ڈسٹرکٹ الیکشن کمشنر زدی ٹریننگ 14اتے 15نومبر جڈاں جو ڈسٹرکٹ الیکشن کمشنر سٹاف بلوچستان دی ٹریننگ 17توں18نومبر تئیں کوئٹہ ااچ تھیسی۔خیبرپختونخوا دے ریجنل اتے ڈسٹرکٹ الیکشن کمشنرز دی ٹریننگ 21اتے 22نومبرجڈاں جو سٹاف دی ٹریننگ 24اتے 25نومبر کوں تھیسن ۔ پنجاب دے ریجنل اتے ڈسٹرکٹ الیکشن کمشنرز دی ٹریننگ 29اتے 30نومبر جڈاں جو سٹاف دی ٹریننگ یکم توں ڈو دسمبر دے دوران تھیسی۔