واشنگٹن۔ 25 اکتوبر (اے پی پی) امریکا کوئٹہ اچ پولیس ٹریننگ اکیڈمی تے دہشت گرد حملے دی مذمت کیتی ہے۔ امریکی محکمہ خارجہ دے ترجمان جان کربی منگل کو ںکوئٹہ اچ پولیس ٹریننگ اکیڈمی تے دہشت گردی دے حملے دی مذمت کریندے ہوئیں شہید تھیونڑ آلے اہلکاراں دے لواحقین نال اپنڑے ڈکھ تے افسوس کریندے ہوئیں حملے اچ زخمی تھیونڑ آلیں دی وختی چنگی صحت دی دعا سانگے نیک تمناویں دا اظہار کیتا ہے ۔ترجمان آکھیا ہے جو حملے اچ ہلاک تھیونڑ آلیں ،جنہاں اچ پبلک سروس اچ کیرئیر بنڑاونڑ دی خواہش گھن تے آونڑ آلے پولیس کیڈٹس وی شامل ہن ،دے لواحقین نال دلی تعزیت کریندے ہن ،اساں اوکھے ویلھے اچ پاکستان دے عوام تے حکومت دے نال کھڑوں ،اساں دہشت گردی دے خطریں نال نبڑنڑ سانگے پاکستان تے پورے خطے اچ اپنڑے شراکت داراں دے نال رل تے کم کریندے رہسوں ۔