واشنگٹن۔ 26 اکتوبر (اے پی پی) امریکا پاکستان دی مدد اتے دہشت گردی تے انتہا پسندی کوں مکاونڑ اتے خطے وچ امن تے استحکام دے فروغ دیاں کوششاں وچ پاکستانی حکومت نال تعاون بارے پرعزم ہے۔ ایہ گالھ امریکی ترجمان جان کربی ہک بیان وچ آکھی ۔سانحہ کوئٹہ دے حوالے نال امریکی ترجمان ایں سانحے وچ جانی نقصان تے تعزیت دا اظہار کیتا اتے آکھیا جو ایں سانحے وچ جاں بحق تھیونڑ آلے کیڈٹ شہریاں دی جان تے مال دی حفاظت دی تربیت حاصل کریندے پن ۔ انہاں آکھیا جو ا یہ ہک خوفناک اتے بزدلانہ کارروائی ہائی اتے ایہ گالھ وی افسوسناک ہے جوا یہ پاکستانی شہریاں دے خلاف دہشت گردی دی کوئی پہلی کارروائی نہ ہائی۔ انہاں آکھیا جو دہشت گرداں دی کارروائیاں وچ کئی سویلین اتے فوجی مارے جاچکے ہن اتے پاکستانی شہری دہشت گردی دا حقیقت وچ سامنڑاں کریندے پن۔ انہاں آکھیا جو امریکا سخت ترین الفاظ وچ ایں کارروائی دی مذمت کریندا ہے اتے اساں ایںدانشانہ بنڑن آلیاں دے اگھرآلیاں نال دلی تعزیت دااظہار کریندوں ۔امریکا ایں مشکل ویلھے وچ پاکستان دی حکومت اتے عوام دے نال کھڑا ہے اوہ دہشت گردی کوں مکاونڑ سانگے پاکستان اتے بئے ملکاں دے نال رل مل تے کم جاری رکھیسی۔
