اسلام آباد ۔ 18 اکتوبر (اے پی پی) امریکی ماہرین صحت دا آکھنڑ ہے جو انجیر وزن گھٹ کرنڑ وچ معاون ثابت ہوندا ہے۔ ٹینیسی اسٹیٹ یونیورسٹی دے ماہرین دا آکھنڑ ہے جو انجیرصحت بخش اتے بے پناہ فائدیاں دا حامل پھل ہے اتے اے موٹاپے توں تنگ بندیاں سانگے بہوں فائدے آلا پھل ہے ۔انجیر دے اندر پروٹین، معدنی اجزائ، شکر کیلشیم، فاسفورس پاتے ویندے ہن، انجیر وچ وٹامن اے اتے سی ودھ مقدار وچ پاتے ویندے ہن جڈانجووٹامن بی اتے ڈی گھٹ مقدار وچ ہوندے ہن جیندی وجہ نال انجیر ہک فائدے آلی غذائی دوا دی حیثیت رکھیندا ہے۔ ماہرین دا آکھنر ہے جو انجیر دا استعمال ہڈیاں کوں مضبوط بنڑینداہے۔ ہک انجیر انسانی جسم کوں درکار فولاد دی ڈو فیصد ضرورت کوں پورا کریندا ہے۔انجیر وچ کجھ خاص قسم دیاں کیلوریز وی پاتیاں ویندیاں ہن ، لہذا اوہ لوک جیرھے جو اپنران وزن گھٹاونر چاہندن انجیر دا ضرور استعمال کرین،کیونجو ہک انجیر وچ صرف 47 کیلوریز ہوندیاں ہن ۔ ماہرین دا آکھنر ہے جو خون دے دباﺅ دا شکار بندیاں دے جسم وچ سوڈیم اتے پوٹاشیم دی سطح متناسب نی راہندی اتے انجیر دا استعمال ایں متناسب کو ںبحال کرنڑ وچ بہوں فائدے مند ثابت تھیندا ہے، پوٹاشیم نال بھرپور انجیر بلڈپریشر کوں گھٹ کریندا ہے۔انجیر وچ شامل اینٹی آکسائیڈینٹ کہیں وی بئے پھل دی نسبت ودھ معیاری ہوندے ہن اتے ا یہ مرکبات ایجھے مادیاںں کوں خارج کریندن، جیرھے خون دیاں نالیاں کوں نشانہ بنڑیندے ہن ۔ ایندے علاوہ ایہ اینٹی آکسائیڈینٹ کینسر توں بچاﺅ دا وی موجب ہن۔
