بری فوج دے سربراہ جنرل راحیل شریف دا ورکنگ بائونڈری اتے بین الاقوامی سرحدتے سخت نگرانی د ے انتظامات تے تسلی دا اظہار

راولپنڈی ۔ 7 اکتوبر (اے پی پی) بری فوج دے سربراہ جنرل راحیل شریف ورکنگ بائونڈری اتے بین الاقوامی سرحدتے سخت نگرانی دے انتظامات تے تسلی دا اظہار کیتے ۔ پاک فوج دے شعبہ تعلقات عامہ (آئی ایس پی آر) دے مطابق جمعے کوں بری فوج دے سربراہ جنرل راحیل شریف پاکستان رینجرز پنجاب ہیڈکوارٹر دا دورہ کیتا۔کورکمانڈر لہور لیفٹیننٹ جنرل صادق علی وی انہاں دے نال ہن ۔ بری فوج دے سربراہ جنرل راحیل شریف کوں ڈائریکٹر جنرل رینجرز میجر جنرل عمر فاروق برکی رینجرز دیاں آپریشنل تیاریاں بارے تفصیل نال ڈسایا۔ پاکستان رینجرز پنجاب دے افسراں اتے جواناں نال خطاب کریندے ہوئیں جنرل راحیل شریف رینجرز جواناں دی اعلی پیشہ وارانہ صلاحت’آپریشنل تیاریاں اتے جواناں ولوں بین الاقوامی سرحد اتے ورکنگ بائونڈری دی سخت نگرانی دے عمل دی تعریف کیتی ۔ بری فوج دے سربراہ جنرل راحیل شریف پاکستان رینجرز پنجاب ہیڈکوارٹر اچ شہیداں دی یاردگار تے وی حاضری ڈتی اتے پھلاںدی چادر چڑھائی جنہاں ماء دھرتی دے دفاع سانگے بہوں ودھ قربانیاں ڈتیاں ہن ۔