اسلام آباد ۔ 10 اکتوبر (اے پی پی) بھارت عالمی انسانی حقوق دی کھلم کھلا خلاف ورزی کریندا پئے ،کمسن جنید احمد دا کیا قصور ہا جئیں قابض بھارتی فوج گولیاں نال چھلنی کر ڈتا،اقوام عالم بھارت دے انسانیت سوزرویاں تے اساڈے نال آواز چاوے،۔اے گالھیں مسئلہ کشمیر کوں عالمی سطح تے اجاگر کرنڑ سانگے وزیر اعظم دے خوصی سفیر برائے ترکی بیرسٹرمحسن رانجھا دی ترک خبررساں ایجنسی نال گالھ مہاڑ کریندیں ہوئیں آکھی۔انہاں آکھیا جو بھارتی انسانی حقوق دی سنگین خلاف ورزیاں اچ اچ روز ودھارا تھیندا پئے ۔بھارتی سکیورٹی فورسز ولوں نہتے کشمیریاں تے آنسو گیس شیلاں اتے پیلٹ بندوقاں نال وار بہوں شرم دی گالھ اے۔انہاں آکھیا جو اساں چاہندوں جو عالمی برادری کشمیر اچ تھیونڑ آلی سنگین ریاستی دہشت گردی بند کراونڑ اتے کشمیریاں کوں انہاں دا بنیادی حق خودارادیت دا حق ڈواونڑ اچ آپنڑاں چنگا کردار نبھاوے۔
