جنرل راحیل شریف دہشت گرداں دی سزائے موت دے فیصلیاں دی توثیق کر ڈتی اے

اسلام آباد ۔ 13 اکتوبر (اے پی پی)بری فوج دے سربراہ جنرل راحیل شریف دہشت گرداں دی سنگین کاروائیاں اچ ملوث10دہشت گرداں دی سزائے موت دے فیصلیاں دی توثیق کر ڈتی اے۔انہاں دہشت گرداں کوں مسلح فوج سکیورٹی فورسز پولیس سویلین پولیو کارکنان اتے این جی اوز دے ملازمان تے حملیاں اچ ملوث ہوونڑ دے الزام ثابت تھیونڑ دے فوجی عدالتاں پھا نسی دی سزا سنڑائی ہئی ۔پاک فوج دے شعبہ تعلقات عامہ (آئی ایس پی آر) ولوں خمیس کوں جاری کیتی گئی تفصیلات دے مطابق محمد شاہد عمر ولد زمان خان تحریک طالبان دا ہک سرک رکن ہا اے پولیو دے قطرے پلاونڑ آلی ٹیم دے ڈو تریمتیں کارکناں دے علاوہ این جی اوز دے 11ملازماں اتے شہریاں کوں قتل کرنڑ اچ ملوث ہا۔انہاں مسلح فوج سکیورٹی فورسز حملیاں اچ دھماکہ خیز مواد اتے جدید اسلحہ استعمال کیتا جئیںا چ کئی قیمتی جاناں دا ضیا ع تھیا اتے کئی زخمی تھیے۔ٹرائل کورٹ اچ سارے جرائم دا اعتراف کرنڑ تے محمد شاہد عمر کوں سزائے موت دی سزا سنڑائی گئی ہئی ۔ حسین شاہ ولد فضل ہادی تحریک طالبان پاکستان دا ہک سرگرم رکن ہا اوں مسلح فوج اتے سکیورٹی فورسز تے دھماکہ خیز مواد اتے جدید اسلحہ نال حملے کیتے جئیں دے نتیجے اچ میجر مصطفی اتے کیپٹن وسیم شہید اتے کئی نینگر زخمی تھیے۔ٹرائل کورٹ اچ سارے جرائم دا اعتراف کرنڑ تے اونکوں موت دی سزا سنڑائی گئی ہئی۔