جنوبی افریقن کرکٹ ٹیم (کل) ڈوڈینھ دے ٹور میچ توں اپنڑے دورہ آسٹریلیا داآغاز کریسی ون ڈے سیریز وچ کلین سویپ دے بعد کینگروز تے خوف طاری ہے، ٹیسٹ سیریز جیتنڑ سانگے سرتروڑ کوشش کریسوں، ڈوپلیسی

ایڈیلیڈ ۔ 20 اکتوبر (اے پی پی) جنوبی افریقن کرکٹ ٹیم (کل) ہفتے کوںآسٹریلیا الیون دے خلاف ڈو ڈینھاں دے ٹور میچ نال اپنڑے دورے دا آغاز کریسی۔ ٹور میچ ایڈیلیڈ، اوول وچ کھیڈیا ویسی۔ اے بی ڈی ویلیئرز دی عدم موجودگی وچ ڈوپلیسی ٹیم دی قیادت دے فرائض انجام ڈیسن۔ ڈی ویلیئرز کہنی دی سرجری دی وجہ نال دورہ آسٹریلیا توںباہر تھئے ہن تاں جواوہ کینگروز دے خلاف شیڈول تریخی ڈے اینڈ نائٹ ٹیسٹ میچ وچ ملک دی نمائندگی سانگے پر عزم ہن تاں جواینداانحصار انہاں دی صحت تے ہوسی۔ ڈی ویلیئرز کہنی دی انجری دی وجہ نال عالمی چیمپئن آسٹریلیا دے خلاف ہوم ون ڈے سیریز وچ وی ٹیم دی نمائندگی نی کر سگے اتے میزبان پروٹیز کینگروز کوں سیریز وچ5-0 نال وائٹ واش کیتا ہا۔ اپنڑے ہک بیان وچ جنوبی افریقن قائد آکھیا جو کینگروز دے خلاف ون ڈے سیریز وچ یادگارجیت دے بعد کھلاڑیاں دا مورال اچا ہے۔ ون ڈے سیریز وچ بدترین ہار دے بعد آسٹریلوی کھلاڑی ہوم ٹیسٹ سیریز دے دوران وی ذہنی طور تے دباﺅ وچ ہوسن ایں خاطر اساڈے کنوں ایکوں ایندی سرزمین تے ہراونڑ دا نادر موقع ہے اتے ہدف دے حصول سانگے کھلاڑیاں کوں کھیڈ دے تریوے شعبیاںوچ سو فیصد کارکردگی ڈکھاونڑ پوسی۔ جنوبی افریقہ اتے آسٹریلیا وچال ترائے ٹیسٹ میچاں دی سیریزداپہلا میچ 3 نومبر توںشروع تھیسی، ڈوہائیںٹیماں وچال ڈوجھا ٹیسٹ 12 توں 16 نومبر جدانجو تریجھا اتے چھیکڑی ٹیسٹ 24توں 28 نومبر تئیں کھیڈیا ویسی ۔