اسلام آباد ۔ 7 اکتوبر (اے پی پی) وزیراعظم محمد نوازشریف آکھیا ہے جو حکومت دیاں ترقی دیاں تے فلاحی تنظیماں دا مقصد عوام دی زندگی دے معیار کوں اچا کرنڑ ہے ،اساڈیاں کوششاں عوم دی سماجی تے اقتصادی چانگئی اتے پاکستان کوں ہک ترقی یافتہ خوشحال ملک بنڑاونڑ سانگے اجتھاں ساریں کوں ہکو جہیے موقع دستیا ب ہوون ۔انہاںاے گالھ رکن پنجاب اسمبلی رانا محمود الحسن نال جمعے کوں وزیراعظم ہاﺅس اچ گالھ مہاڑ کریندے ہوئیں کیتی ۔وزیراعظم آکھیا جو عوامی نمائندیں کوں اپنڑے حلقے دی عوامدے نال چنگے رابطے اچ رہنڑاں چاہیدا ہے تاں جو انہاں دے مسلیں دا انہاں کوں پتہ ہووے اتے علاقے اچ جاری ترقی دیاں سکیماں بارے انہا ں کوں فیڈ بیک وی ملدا رہے ۔رکن صوبائی اسمبلی رانا محمو دالحسن اوکھے دور اچ ودھ سارے چیلنجاں نال ملک کوں کڈھنڑ سانگے وزیراعظم دے قائدانہ کردار کوں چنگاں اکھیندے ہوئیں موجود ہ حکومت کامیابی نال معیشت بحال کیتی ہے اتے ملک اچ بنیادی ڈھانچے دی ترقی دے منصوبے شروع کیتے ہن ،انہاںآکھیا جو اساکوں یقین ہے جو وزیراعظم نواز شریف دی قیادت اچ پاکستان حقیقی طور تے ہک فعال تے جمہوری ریاست اچ تبدیل تھی ویسی ۔
