اسلام آباد ۔ 17 اکتوبر (اے پی پی) رحیم یار خان دے نیڑے ڈو مسافر بساں اچ ٹکر پاروں 23بندے جاں بحق اتے 50 زخمی تھی گئے ہن ۔ پی ٹی وی دے مطابق سنوار دی سویل رحیم یار خان دے نیڑے دے علاقے دھریجہ اچ خان پور موڑ تے کراچی توں بہاولپور اتے فیصل آباد توں صادق آباد ونجنڑآلیاں مسافر بساں تیز رفتاری پاروں آپس اچ ٹکرا گیاں ، ٹکردے شدید ہونڑ پاروں ڈوہائیں بساں مکمل طور تے تباہ تھی گیاں ، حادثے اچ 23 بندے موقع تے جاں بحق جڈانجو 50 زخمی تھی گئے ۔ پو لیس ، ریسکیو ون ون ٹو ٹو اتے شیخ زید ہسپتال دیاں ایمبو لینساں زخمیاں کوں سول ہسپتال دھریجہ ، سول ہسپتال خان پور اتے شیخ زید اتے تحصیل ہسپتال رحیم یار خان منتقل کرڈتا گئے ۔ ہسپتال ذرائع دے مطابق زخمیاں اچوں بہوں ساریاں دی حالت تشویشناک ہے جئیں پاروں ہلاکتاں اچ ودھارے دے ڈر ہے ۔ ضلعی حکام رحیم یار خان اتے خان پوردے ہسپتالاں اچ ایمر جنسی وی نافذ کرڈتی گئی ہے
