اسلام آباد ۔ 21 اکتوبر (اے پی پی) وفاقی وزیر داخلہ چوہدری نثار علی خان آکھیا جو سارے صوبیاں توں شیڈول دی فہرستاں دا ولا جائزہ گھدا ویسی،فورتھ شیڈول اچ شامل ساری شخصیات پاکستانی ہن ،انہاں کوں شناختی کارڈ اتے شہریت توں کینویں محروم کیتا ونج سگدے۔جمعہ کوں دفاع کونسل دے وفد مولانا سمیع الحق دی سربراہی اچ وزیر داخلہ چوہدری نثار علی خان نال ملاقات کیتی۔ملاقات اچ سکیورٹی سمیت مجموعی ملکی صورتحال تے گالھ مہاڑ کیتی گئی ۔ایں موقع تے گالھ مہاڑ کریندیں ہوئیں چوہدری نثار آکھیا جو اسلام اتے پاکستان بارے ہر عمل اتے ہر قدم اچ پیش پیش ہوسوں۔ملکی سکیورٹی صورتحال کوں بہتر بنڑاونڑ دی کوششاں دی قدر کریندے ہیسے جڈانجو کجھ عناصر اسلامی نظریات اتے اسلامی قوتاں کوں نشانہ بنڑیندے پئن حکومت انہاں دا نوٹس گھنے۔انہاںآکھیا جو دین پاکستان دی طاقت،حرمت اتے مان اے۔
