سندھ اسمبلی دے حلقہ پی ایس 11 اچ ضمنی انتخاب سانگے پولنگ 20 اکتوبر کوں تھیسی،الیکشن کمیشن

اسلام آباد ۔ 14 اکتوبر (اے پی پی) الیکشن کمیشن سندھ اسمبلی دے حلقہ پی ایس 11 اچ ضمنی انتخاب اچ حصہ گھننڑ آلے امیدواراں اتے جماعتاں کوں ہدایت کیتی ہے جو او 18 اتے 19 اکتوبر دی اچلی رات اپنڑی انتخابی مہم ختم کر ڈیون۔ الیکشن کمیشن ولوںجاری پریس ریلیز دے مطابق پی ایس 11 اچ ضمنی انتخاب سانگے پولنگ 20 اکتوبر کوں تھیسی۔ امیدواراں کوں آکھیا گیا ہے جو او اپنڑی انتخابی مہم پولنگ شروع تھیونڑ توں 48 گھنٹے پہلے ختم کر ڈیون۔ انتخابی مہم ختم تھیونڑ دے بعد کہیں قسم دی انتخابی سرگرمیاں اچ ملوث امیدواراں دے خلاف کاروائی کیتی ویسی۔