اسلام آباد ۔ 21 اکتوبر (اے پی پی) صدرمملکت ممنون حسین 22 توں 25اکتوبر تئیں قطر دا دورہ کریسن،ا وہ امیر قطر اتے بئیاں شخصیات نال ملاقاتاں کریسن ،جیندے وچ دوہائیں ملکاوچال باہمی تعلقات دے اہم پہلوواں دا جائزہ گھاد ویسی جڈانجو علاقائی امور اتے بین الاقوامی امور تے وی گالھ مہاڑ تھیسی۔ دفترخارجہ ولوں جمعہ کوںجاری بیان دے مطابق پاکستان اتے قطروچال سارے شعبیاں وچ چنگے تعلقات استوار ہن، ڈوہائیں ملکاں وچال علاقائی اتے بین الاقوامی امور تے ہکو جئے موقف رکھیندے ہن اتے اقوام متحدہ تے او آئی سی جئے عالمی فورمز تے ہک بئے دی حمایت کریندے ہن ۔ ڈوہائیں ملکاں وچال تعلقات وچ عوامی سطح تے رابطیاں کوں خصوصی اہمیت حاصل ہے ۔ قطر وچ ہک لکھ25ہزار توں ودھ پاکستانی موجود ہن جیرھے جوقطر اتے پاکستان دی ترقی تے خوشحالی وچ کردار ادا کریندے پئے ہن ۔ ڈوہائیںملکاں وچال اعلیٰ سطح دے تبادلے جاری ہن ۔ مارچ2015ءوچ امیر قطر پاکستان دا دورہ کیتا اتے ایندے جواب وچ وزیراعظم فروری 2016ءوچ قطر دادورہ کیتا جیندے نال ڈوہائیں بھرا ملکاں وچال ودھدے ہوئے تعلقات دی عکاسی تھیندی ہے۔ صدر مملکت ممنون حسین دا قطری قیادت دے نال باضابطہ مذاکرات اتے ملاقاتاں وچ توانائی دے شعبے وچ تعاون، تجارت، سرمایہ کاری ، دفاع اتے قطر دی مارکیٹ وچ پاکستانی افرادی قوت سانگے روزگار دے موقعاں وچ ودھارے سمیت مختلف شعبیاں وچ ڈوطرفہ تعلقات کوں ہور ودھ فروغ ڈیونڑ تے توجہ مرکوز ہوسی۔ صدر مملکت دا دورہ ڈو طرفہ تعلقات کوں ہور زیادہ تقویت ڈیونڑ وچ معاون ثابت تھیسی۔
