اسلام آباد ۔ 18 اکتوبر (اے پی پی) صدر مملکت ممنون حسین آکھیا جو پاک چین اقتصادی راہداری پاکستان دی اقتصادی حالت سنوار ڈیسی،منصوبہ نال پورے خطے اچ ملازمتاں دے موقع پیدا تھیسن اتے اقتصادی حالت بہتر تھیسی۔ا ے گالھیں انہاں منگل کوں چیئرمین سپارکو میجر جنرل قیصر انیس خرم دی سربراہی اچ وفد نال گالھ مہاڑ کریندیں ہوئیںا کھی۔چیئرمین سپارکو صدر مملکت کوں آپنڑے ادارے اچ جاری سٹیلائٹ منصوبیاں اتے پاک چین اقتصادی راہداری منصوبے اچ آپنڑے ادارے دے کردار بارے ڈسایا۔صدر مملکت اطمینان کیتا جو سپارکو سمیت سارے ادارے پاک چین اقتصادی راہداری منصوبے دی تکمیل سانگے آپنڑاں آپنڑاں کردار نبھیندے پئن ۔صدر مملکت سی پیک منصوبے اچ سپارکو دا خلائی مدد ڈیونڑ تے ادارے دی خدمات کوں سراہیا۔
