فلوریڈا ۔ 28 اکتوبر (اے پی پی) ری پبلکن صدارتی امیدوار ڈونلڈ ٹرمپ ہک وار ولا ایں گالھ تے زور ڈتا ہے جو اگرا وہ صدر بنڑے تاں صدر اوباما دا ہیلتھ کیئر پروگرام مکا ڈیسن جڈانجو ہلیری کلنٹن آکھیا ہے جو ٹرمپ ڈو کروڑ بندیاں کوں ہیلتھ کیئر دی سہولتاں توں محروم کرنڑ چاہندن۔ انہاں خیالیں دا اظہار انہاں ریاست فلوریڈا وچ ہک انتخابی ریلی نال خطاب وچ آکھی۔ انہاں ڈا آکھنڑ ہا جو صدر اوباما دا متعارف کرایا گیا ہیلتھ کیئر پروگرام ہک مہنگا منصوبہ ہے۔ ایکوں تبدیل کریندے ہوئیںہک سستا پروگرام متعارف کراونڑ پوسی۔ ڈیموکریٹ صدارتی امیدوار ہلیری کلنٹن دی الیکشن کیمپین ولوں ٹرمپ دے بیان دی مذمت کریندے ہوئیں آکھیا گئے جو اوہ ڈو کروڑ بندیاں کوں ہیلتھ کیئر دیاں انہاںسہولتاں توں محروم کرنڑ چاہندن اتے چاہندن جو انشورنس کمپنیاں دوبارہ توں اپنڑی من مانیاں کرین۔
