صدر مملکت ممنون حسین آزاد جموں کشمیر دے ترائے ڈینھ دے دورے تے مظفرآباد پج گئن

مظفر آباد ۔ 14 اکتوبر (اے پی پی) صدر مملکت ممنون حسین آزاد جموں کشمیر دے ترائے ڈینھ دے دورے تے مظفرآباد پج گئن ،آزاد کشمیر قانون ساز اسمبلی اتے کشمیر کونسل دے سانجھے اجلاس نال خطاب کریسن۔ہیلی پیڈتے صدر مملکت دا صدر آزاد کشمیر سردار مسعود خان’ وزیراعظم راجہ فاروق حیدر’ سپیکر شاہ غلام قادر سمیت اعلیٰ حکام استقبال کیتا۔مظفر آباد پجنڑ دے بعد وزیراعظم مختلف وفود نال ملاقاتاں کیتیان اتے انہاں نال آپسی دلچسپی دے معاملیاں تے گالھ مہاڑ کیتی۔صدر آزاد کشمیر سردار محمد مسعود خان انہاں دے اعزاز اچ عشائیہ ڈتا۔صدر مملکت اج ہفتہ کوں آزاد کشمیر قانون ساز اسمبلی اتے کشمیر کونسل دے سانجھے اجلاس نال خطاب کریسن۔ایں توں پہلے انہاں کوں اسمبلی سیکرٹریٹ آونڑ تے آزاد کشمیر پولیس دا چاق و چوبند دستے سلامی ڈیسی۔