صدر مملکت ممنون حسین اتے وزیر اعظم محمد نواز شریف دی عوامی جمہوریہ چین دے قیام دی 67ویں سالگرہ دے موقعے تے آپنڑیں چینی ہم منصباں دے ناں انج انج مبارخی دے سنیہے

اسلام آباد ۔ یکم اکتوبر (اے پی پی)صدر مملکت ممنون حسین اتے وزیر اعظم محمد نواز شریف عوامی جمہوریہ چین دے قیام دی 67ویں سالگرہ دے موقعے تے آپنڑیں چینی ہم منصباں دے ناں انج انج مبارخی دے سنیہے ڈتے ہن ۔ آپنڑیں ہم منصباں دے ناں آپنڑیں سنیہے اچ صدر مملکت ممنون حسین اتے وزیر اعظم محمد نواز شریف ایں خوشی دے موقعے تے انہاں دی صحت بارے پوچھیا اتے چین دے لوکیں دی سلامتی اتے ترقی کیتے نیک تمناوا ں دا اظہار کیتا ہے ۔ صدرمملکت ممنون حسین چین دے صدر ژی جن پنگ دے ناں آپنڑیں سنیہے اچ پاکستان دی حکومت اتے لوکیں اتے آپنڑیں طرفوں انہاں کوں دلوں ایں خوشی دے موقعے تے مبارخ ڈتی ۔ انہاں آکھیا جو چین اتے پاکستان مضبوط بھائی چارے اتے ڈوہائیں ملکاں دے باہمی احترام اتے بہوںسارے علاقائی اتے بین الاقوامی معاملیاں تے سانجھے موقف تے مبنی غیر متزلزل دوستی دے گانڈھے اچ بدھے ہوئے ہن ۔ صدرمملکت آکھیا جو چین پاکستان اقتصادی راہداری دے شروع توں ڈو طرفہ تعاون تے مبنی تعلقات اچ ودھارے دے ہک نویں دور اچ داخل تھی گئے ہن ۔ جیندے نال ڈو طرفہ ترقی اتے خوشحالی امسی ۔ انہاں ایں اعتماد دا اظہار کیتے جو اساڈے ڈوہائیں برادر ملکاں وچال موجودہ دوستانہ تعلقات مستحکم توں مستحکم تھیسن، اتے اساڈی آزمودہ سٹرٹیجک شراکت داری ڈوہائیں ملکاں دے لوکیں دے فیدے اچ امن ، استحکام اتے خوشحالی کیتے جاری راہسی ۔ صدر ممنون حسین آکھے جو انہاں سالیں اچ چین آپنڑیں عوام دے معیار زندگی کوں چنگا کرنڑ اچ بہوں کامیابیاں حاصل کیتیاں ہن ۔ صدر ممنون حسین ایں اعتماد دا اظہار کیتے جو چینی صدر دی قیادت اچ کامیابی دیاں بلندیاں تئیں پج ویسوں ۔ وزیر اعظم محمد نواز شریف چینی ہم منصب لی کی چیانگ دے ناںآپنڑیںمبارخی دے سنیہے اچ آکھے جوپاکستان اتے چین وچال بھائی چارے تے مبنی مضبوط تعلقات قریبی تعاون ، باہمی اعتماد اتے ہک بئے دے مفادات دی مکمل مفاہمت کوں ظاہر کریندے ۔ انہاں آکھیا جو اساڈے عوام باہمی احترام اتے پر امن بقائے باہمی دی مشترکہ اقدار دے فروغ اتے تحفظ کیتے ہک بئے دے نال کھڑے ہن۔ وزیر اعظم آکھیا جو پاک چین دوستی دی بے مثال کامیاب کہانی چین ، پاکستان اقتصادی راہداری تے عملدرآمد دے نال ہک نویں دور اچ داخل تھی ویسی