صدر مملکت ممنون حسین دا آفتاں توں آگاہی دے ڈینھ دے موقعے تے سنیہا

اسلام آباد ۔ 8 اکتوبر (اے پی پی) صدر مملکت ممنون حسین آکھے جو مستقبل اچ کہیں وی قدرتی سانحے نال چنگے طریقے نبڑنڑ کیتے لوکیں اچ احتیاطی اتے حفاظتی اقدامات بارے شعور پیدا کرنڑ دی لوڑ ہے ۔ (اج) 8 اکتوبر آفات بارے آگاہی دا ڈینھ دے موقعے آپنڑیں سنیہے اچ انہاں آکھیا جو اے دینھ متعلقہ حکومتی محکمیاں اتے اداریاں کوں کہیں وی قدرتی سانحے دے چیلنجاں نال نبڑنڑ کیتے آپنڑیاں صلاحیتاں دے جائزے دا موقع ڈینے ۔ انہاں آکھیا جو سیلاب اتے خشک سالی کہیں وی ہنگامی صورتحال نال نبڑ نڑ کیتے خطے اچ ماحولیاتی تبدیلی دے اثرات تے غور و فکر دی لوڑ ہے ۔