اسلام آباد ۔ 4 اکتوبر (اے پی پی)صدر مملکت ممنون حسین آکھیا جو بھارت دی طاقت دا گھمنڈ ترٹسی اتے کشمیر جلدی آزاد تھیسی جئیں دے نتیجے اچ خطے اچ امن تے استحکام تھیسی اتے ترقی دی رفتار تکھے تھی ویسی،پاک بھارت مخاصمت ڈوہاں ملکاں سانگے نقصان دہ اے،اقتصادی راہداری نال بلوچستان کوں ساریاں توں ودھ فائدہ تھیسی،سول افسر آپنڑے فرائض منصبی بلا خوف تے خطر بغیر کہیں دبائو دے نبھاون۔اے گالھیں ایوان صدر اچ نیشنل سکول آف پبلک پالیسی (این ایس پی پی) دے زیر تربیت 105 ویں نیشنل مینجمنٹ کورس دے شرکاء نال خطاب کریندین ہوئیں آکھی۔ایں موقع تے سیکریٹری کابینہ سید طاہر شہباز، ریکٹر این ایس پی پی محمد اسماعیل قریشی اتے بئے حکام وی موجود ہن ۔منگل کوں ایوان صدر ولوں پریس ریلیز دے مطابق صدر مملکت آکھیا جو پاک بھارت مخاصمت ڈوہاں ملکاں سانگے نقصان دہ اے اتے ایں نال سارا خطہ متاثر تھیسی۔صدر مملکت آکھیا جو قومی معیشت اطمینان بخش رفتار نال ترقی کریندی پئی اے اتے حکومت پورے ملک اتے خصوصی طور پسماندہ علاقیاں دی ترقی سانگے خصوصی منصوبے شروع کر ڈتن ،اج ملک اچ زرمبادلہ دے جتنے ذخائر ہن پئے ،ماضی اچ اوندی مثال نی ملدی۔انہاں آکھیا جو پاک چین اقتصادی راہداری نال بلوچستان کوں ساریاں توں ودھ فائدہ تھیسی اتے ایں سال دے چھیکڑ تئیں گوادر ڈیپ سی پورٹ فعال تھی ویسی،مغربی روٹ سمیت اقتصادی راہداری دے منصوبے اچ کہیں اعتبار نال کوئی تبدیلی کائنی کیتی گئی ۔
