اسلام آباد ۔ 17 اکتوبر (اے پی پی)صدر مملکت ممنون حسین آکھیا جو قوم دا مستقبل بالاں دے مستقبل دا جڑیا ہوئیا اے،ایں سانگے وسیلہ تعلیم پروگرام دی کامیابی سانگے ہر طبقہ ایں اچ شریک تھی ویسی،وفاقی حکومت نواں نظام تعلیم بنڑاونڑ اچ مصروف اے جئیں تے ڈھگ کم پورا کر گھدا گئے اتے آندے سال سارے صوبیاں دے مشورے نال پورے ملک اچ ہکو جیہا نظام تعلیم رائج کر ڈتا ویسی،استادیں دی جدید تقاضیاں تے تربیت دے بغیر تعلیم دا معیار چنگا نی تھی سگدا ایں سانگے ضروری اے جو انہاں دی تربیت کوں خصوصی اہمیت ڈتی ونجے ۔ایں موقع تے وزیر مملکت برائے تعلیم و فنی تربیت بلیغ ا لرحمن، بی آئی ایس پی دی چیئر پرسن ماروی میمن، وزیرتعلیم بلوچستان عبدالرحیم، وزیر تعلیم خیبرپختوانخوا عاطف خان ، وزیرتعلیم آزاد کشمیر افتخار گیلانی ، عالمی بینک دے پاکستان اچ کنٹری ڈائریکٹر بیچاموتو ایلیگوین اتے ڈیپارٹمنٹ فار انٹرنیشنل ڈیویلپمنٹ دے نمائندے جون ریڈ وی خطاب کیتا۔صدر مملکت آکھیا جو حکومت دی بہتر پالیسیاں پاروں ملک دی معاشی اتے اقتصادی حالت اچ چنگائی آئی اے جئیں دا اثر عوام تئیں پجدا پئے ۔
