دوحہ ۔ 24 اکتوبر(اے پی پی)صدر مملکت ممنون حسین ‘ قطری شاہی اتے کاروباری شخصیات تے زور ڈتے جو او پاکستان دے سٹریٹجک محل وقوع سرمایہ کاری دے مواقع کاروباری دوست ماحول اتے حکومت دی سرمایہ کاری دی حامل سود مند پالیسیاں توں فائدہ چیندیں ہوئیں ملک دے مختلف شعبیاں اچ سرمایہ کاری کرن۔انہاں اے گالھ سوموار کوں قطردی شاہی اتے کاروباری شخصیات دے وفد نال گالھ مہاڑ کریندیں ہوئیں آکھی جنہاں قطری بزنس ایسوسی ایشن دے چیئرمین شیخ فیصل بن قاسم الثانی دی قیادت اچ انہاں نال ملاقات کیتی۔صدرمملکت ممنون حسین جیڑھے جو امیر قطر دی دعوت تے چار ڈینھ دے دورے تے ہن وفد کوں ڈسایا جو سرمایہ کاری دوست ضابطیاں اتے خطے اچ بلند ترین شرح منافع نال پاکستان غیر ملکی سرمایہ کاروں سانگے مواقعیاں دی سرزمین تصور کیتا ویندے۔انہاں توانائی بنیادی ڈھانچے تعلیم اتے زراعت خصوصی طور کارپوریٹ فارمنگ حلال فوڈ اتے ڈیری فارمنگ دے شعبیاں اچ سرمایہ کاری تے زور ڈتا۔
