اسلام آباد ۔ 6 اکتوبر (اے پی پی)صدر مملکت ممنون حسین آکھیا جو ضرورت منداں دی بہتری اتے انہاں دی معاشی حالت بہتر کرنڑ سانگے بے نظیر انکم سپورٹ پروگرام اہم کردار نبھیندا پئے ،پاکستان دی عورتاں دے حالات اتے انہاں کوں معاشت اچ جائز مقام ڈواونڑ سانگے بی آئی ایس پی جیہے پروگراماں دی لوڑھ اے۔اے گالیں صدر مملکت خمیس کوں ایوان صدر اچ بے نظیر انکم سپورٹ پروگرام دی چیئرپرسن ماروی میمن نال ایوان صدر اچ ملاقات کریندیں ہوئیں آکھی،جئیں اچ چیئرپرسن آپنڑے ادارے دی سالانہ کارکردگی دی رپورٹ صدر مملکت کوں پیش کیتی اتے ادارے دی کارکردگی بارے ڈسایا۔صدر مملکت اطمینان دا اظہار کیتا جو گزریل ترائے سالیں وچ حکومت بے نظیر انکم سپورٹ پروگرام دا وسیلہ تعلیم پروگرام جیڑھا جو پرائمری بالاں دی تعلیم دے ودھارے سانگے ضرورت منداں دی مالی امداد دی صورت اچ اے،ہک چنگا قدم اے،ایں نال سکولاں اچ بالاں دے پڑھنڑدی تعداد اچ ودھارا تھیسی۔
